ಬದಿಯಡ್ಕ: ವಾಂತಿಚ್ಚಾಲು-ಉಪ್ಲೇರಿ ಶ್ರೀ ಮಂತ್ರಮೂರ್ತಿ ಗುಳಿಗ ಸನ್ನಿಧಿಯ ನೂತನ ವರ್ಷದ ಸಮಿತಿ ರಚನೆ, ಧರ್ಮಕೋಲೋತ್ಸವದ ಯಶಸ್ಸಿಗೆ ಶ್ರಮಿಸಿದವರಿಗೆ ಅಭಿನಂದನೆ ಹಾಗೂ ಸ್ವಚ್ಛತಾ ಕಾರ್ಯಕ್ರಮ ಸನ್ನಿಧಿಯ ಪರಿಸರದಲ್ಲಿ ಜರಗಿತು.
![ಧರ್ಮಕೋಲೋತ್ಸವದ ಯಶಸ್ಸಿಗೆ ಶ್ರಮಿಸಿದವರಿಗೆ ಅಭಿನಂದನೆ](https://i0.wp.com/veekshakavani.com/wp-content/uploads/2024/01/ಅಭಿನಂದನೆ-ಹಾಗೂ-ಸ್ವಚ್ಛತಾ-ಕಾರ್ಯಕ್ರಮ.jpg?resize=640%2C400&ssl=1)
ಜಗನ್ನಾಥ ರೈ ಕೊರೆಕ್ಕಾನ ಅವರ ಅಧ್ತಕ್ಷತೆಯಲ್ಲಿ ನಡೆದ ಸಭೆಯನ್ನು ಡಾ.ಶ್ರೀನಿಧಿ ಸರಳಾಯ ಬದಿಯಡ್ಕ ಉದ್ಘಾಟಿಸಿದರು. ಧ.ಗ್ರಾ.ಯೋಜನೆಯ ಮೇಲ್ಬಿಚಾರಕ ದಿನೇಶ್ ಕೊಕ್ಕಡ ಮುಖ್ಯ ಅತಿಥಿಯಾಗಿದ್ದರು. ದೈವ ನರ್ತಕ ರಮೇಶ್ ಅಡ್ಕತ್ತಬೈಲ್, ಪ್ರತಿಷ್ಠಾ ಕರ್ಮಿ ಕೃಷ್ಣ ಬೆಳ್ಚಾಡ ಸಭೆಯಲ್ಲಿ ಉಪಸ್ಥಿತರಿದ್ದರು.
![ವಾಂತಿಚ್ಚಾಲು-ಉಪ್ಲೇರಿ ಶ್ರೀ ಮಂತ್ರಮೂರ್ತಿ ಗುಳಿಗ ಸನ್ನಿಧಿ ಸಮಿತಿ ರಚನೆ ಕಾರ್ಯಕ್ರಮ](https://i0.wp.com/veekshakavani.com/wp-content/uploads/2024/01/ಸಮಿತಿ-ರಚನೆ.jpg?resize=640%2C400&ssl=1)
ಸಮಿತಿ ಕಾರ್ಯದರ್ಶಿ ರಾಮ ನಾಯ್ಕ ಕುಂಟಾಲುಮೂಲೆ ಲೆಕ್ಕಪತ್ರ ಮಂಡಿಸಿದರು. ಈ ಸಂದರ್ಭದಲ್ಲಿ ಪ್ರಸ್ತುತ ವರ್ಷದ ಕೋಲೋಧಾರಿಯಾದ ರಮೇಶ್ ಅಡ್ಕತ್ತ ಬೈಲ್ ಅವರನ್ನು ಅಭಿನಂದಿಸಲಾಯಿತು. ಜಿಶನ್ ವಾಂತಿಚ್ಚಾಲು ಪ್ರಾರ್ಥನೆಗೈದರು. ಸನ್ನಿಧಿಯ ಪ್ರಧಾನಕರ್ಮಿ ಗೋಪಾಲಕೃಷ್ಣ ಕುಲಾಲ್ ವಾಂತಿಚ್ಚಾಲ್ ಸ್ವಾಗತಿಸಿ ನೂತನ ಕಾರ್ಯದರ್ಶಿ ರಮೇಶ್ ಕುಲಾಲ್ ನಾಯ್ಕಾಪು ವಂದಿಸಿದರು. ಜಯ ಮಣಿಯಂಪಾರೆ ನಿರೂಪಿಸಿದರು.