ವಾರಾಂತ್ಯದಲ್ಲಿ ಇರಾನ್ ಮೇಲೆ ಅಮೆರಿಕ ಮತ್ತು ಇಸ್ರೇಲ್ ನಡೆಸಿದ ಸಂಘಟಿತ ದಾಳಿಗಳ ನಂತರ ಪಶ್ಚಿಮ ಏಷ್ಯಾದಲ್ಲಿ ಯುದ್ಧಭೀತಿ ತೀವ್ರಗೊಂಡಂತೆ, ಇತ್ತ ಚಿನ್ನ – ಬೆಳ್ಳಿ ದರದಲ್ಲೂ ಏರಿಕೆಯಾಗಿದೆ.
ಮಲ್ಟಿ ಕಮಾಡಿಟಿ ಎಕ್ಸ್ಚೇಂಜ್ ವೆಬ್ಸೈಟ್ ಪ್ರಕಾರ, ಸೋಮವಾರ ಬೆಳಿಗ್ಗೆ 9:10 ಕ್ಕೆ ಚಿನ್ನವು 2.87% ರಷ್ಟು ಏರಿಕೆಯಾಗಿದೆ ಮತ್ತು ಬೆಳ್ಳಿ 2.99% ರಷ್ಟು ಏರಿಕೆ ದಾಖಲಿಸಿದೆ.
ಭೌತಿಕ ಮಾರುಕಟ್ಟೆಯಲ್ಲಿ, ಭಾರತದಲ್ಲಿ ಚಿನ್ನದ ಬೆಲೆ ಸೋಮವಾರ ತೀವ್ರವಾಗಿ ಏರಿತು. ಹಿಂದಿನ ವಹಿವಾಟಿನಲ್ಲಿ 1,62,490 ರೂ. ಇದ್ದ ಚಿನ್ನದ ಬೆಲೆ 10 ಗ್ರಾಂಗೆ 1,73,090 ರೂ.ಗೆ ಏರಿಕೆಯಾಗಿದೆ. ನಂತರ ಬೆಳ್ಳಿ ಬೆಲೆಯೂ ಪ್ರತಿ ಕಿಲೋಗ್ರಾಂಗೆ 2,82,140 ರೂ.ಗಳಿಂದ 2,94,900 ರೂ.ಗೆ ಏರಿಕೆಯಾಗಿದೆ ಎಂದು ಬುಲಿಯನ್ಸ್ ವೆಬ್ಸೈಟ್ನ ಮಾಹಿತಿ ತಿಳಿಸಿದೆ.
