ಮಂಗಳೂರು ಜೈಲಿಗೆ ಜಾಮರ್‌ ಅಳವಡಿಕೆ; ಸ್ಥಳೀಯರಿಗೆ ಸಂಕಟ

ಮಂಗಳೂರು: ಜೈಲಿಗೆ ಜಾಮರ್‌ ಅಳವಡಿಕೆಯಿಂದ ಸುತ್ತಮುತ್ತಲಿನ ನಿವಾಸಿಗಳ ಸಂಕಷ್ಟಕ್ಕೆ ಕಾರಣವಾಗಿದೆ. ಮಂಗಳೂರು ಜೈಲು ಕೈದಿಗಳ ಕಳ್ಳಾಟಗಳಿಂದ ಈ ಪರಿಸ್ಥಿತಿ ಉಂಟಾಗಿದೆ. ಗಾಂಜಾ ಪೊಟ್ಟಣ, ಮೊಬೈಲ್‌ ಸೇರಿ ಮಾದಕ ವಸ್ತುಗಳು ಪತ್ತೆಯಾಗಿತ್ತು. ಈ ಬೆನ್ನಲ್ಲೇ ಮೊಬೈಲ್‌ ಜಾಮರ್‌ ಅಳವಡಿಸಲಾಗಿದೆ.

ಪರಿಣಾಮ ಜೈಲಿನ ಸುಮಾರು ಒಂದು ಕಿ.ಮೀ.ಪ್ರದೇಶದಲ್ಲಿ ನೆಟ್‌ವರ್ಕ್‌ ಸಮಸ್ಯೆ ಕಾಡುತ್ತಿದೆ. ಜೈಲಿನ ಕೂಗಳತೆ ದೂರದಲ್ಲಿ ನೂರಾರು ಮನೆ, ಫ್ಲ್ಯಾಟ್‌, ಅಂಗಡಿ, ಹೋಟೆಲ್‌ಗಳಿದ್ದು ಬಹುತೇಕರಿಗೆ ಮೊಬೈಲ್‌ ಜಾಮರ್‌ ಅಳವಡಿಕೆಯಿಂದ ನೆಟವರ್ಕ್‌ ಸಮಸ್ಯೆ ಎದುರಾಗಿದ್ದು, ಜನರಿಂದ ಆಕ್ರೋಶ ವ್ಯಕ್ತವಾಗಿದೆ.