ದುಬೈ: ಇರಾನ್ ಮತ್ತು ಅಮೆರಿಕ ನಡುವಿನ ಸಂಘರ್ಷ ತಾರಕಕ್ಕೇರಿರುವ ಬೆನ್ನಲ್ಲೇ ಮಧ್ಯಪ್ರಾಚ್ಯದಲ್ಲಿ ಭೀಕರ ಪ್ರಮಾದವೊಂದು ಸಂಭವಿಸಿದೆ.
ಅಮೆರಿಕಾದ ಅತ್ಯಾಧುನಿಕ ಎಫ್ ಫಿಫ್ಟೀನ್ ಇ ಸ್ಟ್ರೈಕ್ ಈಗಲ್(F-15E Strike Eagle) ಸರಣಿಯ ಮೂರು ಯುದ್ಧ ವಿಮಾನಗಳನ್ನು ಮಿತ್ರರಾಷ್ಟ್ರವಾದ ಕುವೈತ್ನ ರಕ್ಷಣಾ ಪಡೆಗಳು ‘ತಪ್ಪಾಗಿ’ ಹೊಡೆದುರುಳಿಸಿವೆ ಎಂದು ಅಮೆರಿಕ ಸೇನೆ ಸೋಮವಾರ ಖಚಿತಪಡಿಸಿದೆ.
ಇರಾನ್ ತನ್ನ ಹಳೆಯ ಯುದ್ಧ ವಿಮಾನಗಳು, ಬ್ಯಾಲಿಸ್ಟಿಕ್ ಕ್ಷಿಪಣಿಗಳು ಮತ್ತು ಡೋನ್ಗಳ ಮೂಲಕ ಅಮೆರಿಕದ ನೆಲೆಗಳ ಮೇಲೆ ದಾಳಿ ನಡೆಸುತ್ತಿದ್ದ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ.
ತಪ್ಪಾದ ಗುರಿ: ಇರಾನ್ನ ಕ್ಷಿಪಣಿಗಳನ್ನು ತಡೆಯಲು ಸನ್ನದ್ಧವಾಗಿದ್ದ ಕುವೈತ್ನ ವಾಯು ರಕ್ಷಣಾ ವ್ಯವಸ್ಥೆಯು (Air Defences), ಆಕಾಶದಲ್ಲಿದ್ದ ಅಮೆರಿಕದ ವಿಮಾನಗಳನ್ನೇ ಶತ್ರು ವಿಮಾನಗಳೆಂದು ಭಾವಿಸಿ ದಾಳಿ ಮಾಡಿದೆ.
ಆರು ಪೈಲಟ್ಗಳ ರಕ್ಷಣೆ: ವಿಮಾನಗಳು ಪತನಗೊಳ್ಳುವ ಮುನ್ನವೇ ಅವುಗಳಲ್ಲಿದ್ದ ಒಟ್ಟು ಆರು ಮಂದಿ ಪೈಲಟ್ಗಳು ಸುರಕ್ಷಿತವಾಗಿ ಹೊರಬಂದಿದ್ದಾರೆ (Eject). ಸದ್ಯ ಅವರ ಸ್ಥಿತಿ ಸ್ಥಿರವಾಗಿದ್ದು, ಅಮೆರಿಕ ಸೇನೆ ಅವರನ್ನು ರಕ್ಷಿಸಿದೆ.
ಈ ಸಂಘರ್ಷದಲ್ಲಿ ಇರಾನ್ ತನ್ನ ಯುದ್ಧ ವಿಮಾನಗಳನ್ನು ಮೊದಲ ಬಾರಿಗೆ ಬಳಸಿದೆ ಎಂದು ಅಮೆರಿಕದ ಸೆಂಟ್ರಲ್ ಕಮಾಂಡ್ ತಿಳಿಸಿದೆ.
“ಅಮೆರಿಕದ ಯುದ್ಧ ವಿಮಾನಗಳನ್ನು ಕುವೈತ್ನ ರಕ್ಷಣಾ ಪಡೆಗಳು ಆಕಸ್ಮಿಕವಾಗಿ ಹೊಡೆದುರುಳಿಸಿವೆ. ಈ ತಪ್ಪನ್ನು ಕುವೈತ್ ಒಪ್ಪಿಕೊಂಡಿದೆ. ಪ್ರಸ್ತುತ ಕಾರ್ಯಾಚರಣೆಯಲ್ಲಿ ಕುವೈತ್ ನೀಡುತ್ತಿರುವ ಬೆಂಬಲಕ್ಕೆ ನಾವು ಧನ್ಯವಾದ ಅರ್ಪಿಸುತ್ತೇವೆ ಎಂದು ಅಮೆರಿಕ ಸೇನೆ ತಿಳಿಸಿದೆ.
