ಮನೆಯಂಗಳದಲ್ಲಿ ಮಗುವಿಗೆ ಅನ್ನ ಕೊಡುತ್ತಿದ್ದ ವೇಳೆ ತೆಂಗಿನ ಮರ ಬುಡ ಸಹಿತ ಉರುಳಿ ಬಿದ್ದು ಮಹಿಳೆ ಮೃತಪಟ್ಟ ದಾರುಣ ಘಟನೆ ನಡೆದಿದೆ. ಕೋಜಿಕ್ಕೋಡ್ ವಾಣಿಮೇಲ್ ಕುನಿಯಿಲ್ ಪೀಡಿಗ ನಿವಾಸಿ ಜಂಶಾದ್ ಎಂಬವರ ಪತ್ನಿ ಫಹೀಮ(30) ಮೃತಪಟ್ಟ ಯುವತಿ. ಆ.06ರಂದು ಸಾಯಂಕಾಲ 5 ಗಂಟೆಯ ವೇಳೆ ಈ ಘಟನೆ ನಡೆದಿದೆ. ಮಗುವಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು ಅಪಾಯದಿಂದ ಪಾರಾಗಿದೆ.
ಅಂಗಳದಲ್ಲಿ ಮಗುವಿಗೆ ಅನ್ನ ಕೊಡುತ್ತಿದ್ದ ವೇಳೆ ಸಮೀಪದ ತೆಂಗಿನ ಮರ ಬುಡ ಸಹಿತ ಉರುಳಿದೆ. ಗಂಭೀರ ಗಾಯಗೊಂಡ ಫಹೀಮಳನ್ನು ಕೂಡಲೇ ಆಸ್ಪತ್ರೆಗೆ ದಾಖಲಿಸಿದರೂ ಪ್ರಾಣ ಉಳಿಸಲಾಗಲಿಲ್ಲ.
