ರಾಗಿಂಗ್ ಬೇಸತ್ತು ವಿದ್ಯಾರ್ಥಿ ಆತ್ಮಹತ್ಯೆಗೆ ಶರಣು

ರಾಗಿಂಗ್ ಬೇಸತ್ತು ಆರ್ಕಿಟೆಕ್ಚರ್ ವಿದ್ಯಾರ್ಥಿಯೋರ್ವ ಸೆಲ್ಸಿ ವಿಡಿಯೋ ಮಾಡಿ, ನೇಣಿಗೆ ಶರಣಾದ ಘಟನೆ ಬೆಂಗಳೂರಿನ ಮಾದನಾಯಕನಹಳ್ಳಿಯ ನಂದರಾಮಯ್ಯನ ಪಾಳ್ಯದಲ್ಲಿ ನಡೆದಿದೆ.

ಹಾಸನದ ಅರುಣ್ (22) ಮೃತ ವಿದ್ಯಾರ್ಥಿ. ಕಾಲೇಜಿಗೆ ಟಾಪರ್ ಆಗಿದ್ದ ಅರುಣ್, ಕಾಲೇಜಿನಲ್ಲಿ ನಡೆಯುವ ರ್ಯಾಗಿಂಗ್‌ನ್ನು ಉಲ್ಲೇಖಿಸಿ 5 ನಿಮಿಷದ ವಿಡಿಯೋ ಮಾಡಿ, ಅದನ್ನು ಕಾಲೇಜಿನ ಗ್ರೂಪ್‌ಗೆ ಶೇ‌ರ್ ಮಾಡಿ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಮಾದನಾಯಕನಹಳ್ಳಿ ಪೊಲೀಸರು ಪ್ರಕರಣ ದಾಖಲಿಸಿ, ತನಿಖೆ ನಡೆಸುತ್ತಿದ್ದಾರೆ.