ರೋಟರಿ ಕ್ಲಬ್ ಕಾಸರಗೋಡು IMA ಕಾಸರಗೋಡು, IAP ಕಾಸರಗೋಡು, WIMA ಕಾಸರಗೋಡು ಮತ್ತು KFOG ಸಹಯೋಗದಲ್ಲಿ 24 ಅಕ್ಟೋಬರ್ 2024 ರಂದು ವಿಶ್ವ ಪೋಲಿಯೋ ದಿನವನ್ನು ಆಚರಿಸಲಾಯಿತು .
ವಿಶ್ವ ಪೋಲಿಯೋ ದಿನದ ಅಂಗವಾಗಿ ಕಾಸರಗೋಡು ರೋಟರಿ ಭವನದಿಂದ ಟ್ರಾಫಿಕ್ ಜಂಕ್ಷನ್ ರೈಲು ನಿಲ್ದಾಣದ ರಸ್ತೆ ಮತ್ತು ಹಿಂಭಾಗದವರೆಗೆ ಪೋಲಿಯೋ ಜಾಗೃತಿ ವಾಕಥಾನ್ ಅನ್ನು ನಡೆಸಿತು. ರೋಟರಿಯನ್ ಡಾ ಬಿ ನಾರಾಯಣ ನಾಯ್ಕ್ ಹಿರಿಯ ಮಕ್ಕಳ ತಜ್ಞ, ಅಧ್ಯಕ್ಷ ರೋಟರಿ ಕ್ಲಬ್ ಕಾಸರಗೋಡು, ಜಿಲ್ಲಾ ಸಂಚಾಲಕ ಐಎಂಎ ಕಾಸರಗೋಡು, ಕಾರ್ಯದರ್ಶಿ ಐಎಪಿ ಕಾಸರಗೋಡು ಸ್ವಾಗತಿಸಿ ಪೋಲಿಯೋ ಅಂತ್ಯಕ್ಕೆ ಜಾಗೃತಿ ಮೂಡಿಸುವ ಮಹತ್ವವನ್ನು ತಿಳಿಸಿದರು.
ಪಾಕಿಸ್ತಾನ ಮತ್ತು ಅಫ್ಘಾನಿಸ್ತಾನದಲ್ಲಿ ಇತ್ತೀಚಿನ ಪೋಲಿಯೊ ಪ್ರಕರಣಗಳ ಉಲ್ಬಣವನ್ನು ಅವರು ಗಮನಸೆಳೆದರು, ಈಗ ಒಟ್ಟು 54 ವೈಲ್ಡ್ ಪೋಲಿಯೊ ವೈರಸ್ ಪ್ರಕರಣಗಳಲ್ಲಿ 32 ಪಾಕಿಸ್ತಾನದಿಂದ ಮತ್ತು 22 ಅಫ್ಘಾನಿಸ್ತಾನದಿಂದ. ಪೋಲಿಯೊ ಅಂತ್ಯದ ಬಗ್ಗೆ ಜಾಗೃತಿ ಮೂಡಿಸಲು ಸಂಪನ್ಮೂಲಗಳನ್ನು ಸಂಗ್ರಹಿಸುವುದು ಎಲ್ಲಾ ನಾಗರಿಕರು ಮತ್ತು ಸಂಘಟನೆಗಳು ಮತ್ತು ಸಮುದಾಯದ ಮುಖಂಡರ ಜವಾಬ್ದಾರಿಯಾಗಿದೆ ಎಂದು ಅವರು ತಿಳಿಸಿದರು. ಜಗತ್ತಿನ ಎಲ್ಲೆಲ್ಲಿಯಾದರೂ ಪೋಲಿಯೊ ಬಂದರೂ ಅಪಾಯವಿದೆ ಆದ್ದರಿಂದ ಕೊನೆಯ ಮಗುವೂ ಪೋಲಿಯೊ ಮುಕ್ತವಾಗುವವರೆಗೆ ವಿಶ್ರಾಂತಿ ಇಲ್ಲ ಎಂದು ತಿಳಿಸಿದರು.
ರೋಟರಿ ಕ್ಲಬ್ ಕಾಸರಗೋಡು ಪೋಲಿಯೊ ಚೇರ್ ರೋಟರಿಯನ್ ಡಾ ಜಿತೇಂದ್ರ ರೈ ಪೋಲಿಯೋ ಪ್ರಾಮುಖ್ಯತೆಯ ಬಗ್ಗೆ ಒಳನೋಟಗಳನ್ನು ನೀಡಿದರು. ಡಾ ಹರಿಕಿರಣ್ ಬಂಗೇರ ಅಧ್ಯಕ್ಷ ಐಎಂಎ ಕಾಸರಗೋಡು ವಾಕಥಾನ್ ಉದ್ಘಾಟಿಸಿದರು. ಡಾ.ಗೋಪಾಲಕೃಷ್ಣ ಐಎಪಿ ಅಧ್ಯಕ್ಷ, ಡಾ.ಮಾಯಾ ಮಲ್ಯ ವಿಮಾ ಅಧ್ಯಕ್ಷೆ, ಡಾ.ರೇಖಾ ರೈ, ಡಾ.ನಬೀಸಾ, ಡಾ.ಜ್ಯೋತಿ ಎಸ್, ಡಾಕ್ಟರ್ ಸುಜಯ ಪಾಂಡ್ಯ,ರೋಟರಿಯನ್ ಬಿಂದು ಸಿ ಅಧ್ಯಕ್ಷೆ ಆನ್ಸ್ ಫೋರಂ, ಆನ್ ಅಶ್ವಿನಿ ವರದರಾಜ್ ಕಾರ್ಯದರ್ಶಿ ಆನ್ಸ್ ಫೋರಂ, ಪಿಡಿಜಿ ರೋಟರಿಯನ್ ಹರಿಕೃಷ್ಣನ್ ನಂಬಿಯಾರ್, ಜಿಜಿಆರ್ ರೋಟರಿಯನ್ ಡಾ ಜನಾರ್ದನ ನಾಯ್ಕ್ ಸಿ ಎಚ್ , ಐಎಂಎ ಕಾರ್ಯದರ್ಶಿ ಡಾ. ಅಣ್ಣಪ್ಪ ಕಾಮತ್, ಡಾ ಖಾಸಿಂ ಟಿ, ಐಎಂಎ ಖಜಾಂಚಿ ಡಾ ಅನೂಪ್, ರೋಟರಿಯನ್ ಡಾ ಶ್ರೀಧರ್ ರಾವ್, ರೋಟರಿ ಕಾರ್ಯದರ್ಶಿ ಹರಿಪ್ರಸಾದ್, ಕೆಜಿಎಂಒಎ ರಾಜ್ಯ ಮಾಜಿ ಖಜಾಂಚಿ ಡಾ ಜಮಾಲ್ ಅಹಮ್ಮದ್ ಸೇರಿದಂತೆ ಅನೇಕ ಐಎಂಎ ಸದಸ್ಯರು ರೋಟರಿ ಸದಸ್ಯರು ವಾಕಥಾನ್‌ನಲ್ಲಿ ಭಾಗವಹಿಸಿದ್ದರು.
