ಬೆಂಗಳೂರು: ಶಿಕ್ಷಕರಿಗೆ ಉತ್ತಮ ಜ್ಞಾನವನ್ನು ನೀಡಲು ಮತ್ತು ಪರಿಕಲ್ಪನೆಗಳನ್ನು ಸರಳಗೊಳಿಸಿ ಸಹಾಯ ಮಾಡಲು, ಬೆಂಗಳೂರಿನ ಎನ್‌ಜಿಒವೊಂದು ರಾಜ್ಯದ ಸರ್ಕಾರಿ ಶಾಲೆಗಳಲ್ಲಿ ಶಿಕ್ಷಕರ ಬೋಧನೆಯ ವಿಧಾನವನ್ನು ಪರಿವರ್ತಿಸುತ್ತಿದೆ.
ಮಾನಸಿ ಕಿರ್ಲೋಸ್ಕರ್‌ನ ಕೇರಿಂಗ್ ವಿತ್ ಕಲರ್ಸ್ (ಸಿಡಬ್ಲ್ಯೂಸಿ), ತುಮಕೂರು ಮತ್ತು ರಾಮನಗರ ಜಿಲ್ಲೆಗಳಲ್ಲಿ 10,200 ಶಿಕ್ಷಕರಿಗೆ ತರಗತಿಗಳಲ್ಲಿ ಪ್ರಾಯೋಗಿಕ ಕಲಿಕೆಯನ್ನು ಪರಿಚಯಿಸುವ ಮೂಲಕ ತರಬೇತಿ ನೀಡಿದೆ. 2016 ರಲ್ಲಿ ಪ್ರಾರಂಭವಾದ NGO ಸರ್ಕಾರಿ ಶಾಲೆಗಳಲ್ಲಿ 4-7 ನೇ ತರಗತಿ ಬೋಧಿಸುವ ಶಿಕ್ಷಕರ ಮೇಲೆ ಪ್ರಭಾವ ಬೀರಿದೆ.
ಇಂಗ್ಲಿಷ್, ಗಣಿತ ಮತ್ತು ವಿಜ್ಞಾನದ ಮೇಲೆ ಕೇಂದ್ರೀಕರಿಸಿ, ಸಂಸ್ಥೆಯು ಶಿಕ್ಷಕರಿಗೆ ತರಬೇತಿ ನೀಡಲು ಶಿಕ್ಷಣ ಇಲಾಖೆಯೊಂದಿಗೆ ಸಹಕರಿಸಿದೆ ಮತ್ತು ಟೀಚೋಪಿಯಾ ಎಂಬ ಪ್ರಾಯೋಗಿಕ ಕಲಿಕೆಗಾಗಿ ಅಪ್ಲಿಕೇಶನ್ ಅನ್ನು ಅಭಿವೃದ್ಧಿಪಡಿಸಿದೆ. ಈ ಆ್ಯಪ್ ಇಂಗ್ಲಿಷ್, ಕನ್ನಡ ಮತ್ತು ಉರ್ದು ಮೂರು ಭಾಷೆಗಳಲ್ಲಿ ಉಚಿತವಾಗಿ ಬಳಕೆ ಮಾಡಬಹುದು.
