ಆಲಿಕಲ್ಲು, ಪ್ರಕ್ಷುಬ್ದತೆಯ ಸಮಯದಲ್ಲಿ ವಿಮಾನದ ಹಾರಾಟವು ಅದರ ಎಂಜಿನ್‌ಗಳು, ರ್ಯಾಡೋಮ್, ಬಲಗೈ ರೆಕ್ಕೆ ಮತ್ತು ರೆಕ್ಕೆಗಳ ಪ್ರಮುಖ ಅಂಚುಗಳಿಗೆ ಗಣನೀಯ ಹಾನಿಯನ್ನುಂಟುಮಾದಿದೆ.
ಇಟಲಿಯ ಮಿಲನ್‌ನಿಂದ ನ್ಯೂಯಾರ್ಕ್ ಜೆಎಫ್‌ಕೆ ವಿಮಾನ ನಿಲ್ದಾಣಕ್ಕೆ ಹೊರಟಿದ್ದ ಡೆಲ್ಟಾ ಏರ್‌ಲೈನ್ಸ್ ವಿಮಾನವು ಟೇಕ್ ಆಫ್ ಆದ ಸ್ವಲ್ಪ ಸಮಯದಲ್ಲೇ ತುರ್ತು ಲ್ಯಾಂಡಿಂಗ್ ಮಾಡಿತು. ನ್ಯೂಯಾರ್ಕ್ ಪೋಸ್ಟ್‌ ವರದಿಯಲ್ಲಿ “ತೀವ್ರ ಪ್ರಕ್ಷುಬ್ಧತೆಯ” ಸಮಯದಲ್ಲಿ ವಿಮಾನವು ಆಲಿಕಲ್ಲುಗಳಿಂದ ತೀವ್ರ ಹಾನಿಗೀಡಾಗಿದೆ ಮತ್ತು ವಿಮಾನದ ನಿರ್ಗಮನದ 65 ನಿಮಿಷಗಳ ನಂತರ ಯಾವುದೇ ಅವಘಡಗಳಿಲ್ಲದೆ ವಿಮಾನವು ಲ್ಯಾಂಡ್‌ ಆಗಿದೆ. ಹಾಗೂ, ಈ ವಿಮಾನದಲ್ಲಿದ್ದ ಯಾರಿಗೂ ಗಾಯಗಳಾಗಿಲ್ಲ ಎಂದು ವರದಿ ಮಾಡಿದೆ. ವಿಮಾನದ ಮೂಗು, ರೆಕ್ಕೆ, ಎಂಜಿನ್‌ಗಳಿಗೆ ತೀವ್ರ ಹಾನಿಯಾದ ನಂತರ ಈ ವಿಮಾನವನ್ನು ಸೋಮವಾರ ರೋಮ್‌ಗೆ ತಿರುಗಿಸಲಾಯಿತು ಎಂದು ತಿಳಿದುಬಂದಿದೆ.
ಆಲಿಕಲ್ಲು ಮಳೆಯ ನಂತರ ವಿಮಾನವು ಸಮಸ್ಯೆಗೊಳಗಾಗಿದೆ. ವಿಮಾನದಲ್ಲಿ 215 ಪ್ರಯಾಣಿಕರು, ಮೂವರು ಪೈಲಟ್‌ಗಳು ಮತ್ತು ಎಂಟು ಫ್ಲೈಟ್ ಅಟೆಂಡೆಂಟ್‌ಗಳು ಇದ್ದರು. ಟೇಕ್ ಆಫ್ ಆದ ಕೇವಲ 15 ನಿಮಿಷಗಳ ನಂತರ ರೋಲರ್ ಕೋಸ್ಟರ್ ರೈಡ್‌ನಂತೆ ಭಾಸವಾಗುವ ಪ್ರಕ್ಷುಬ್ಧತೆಯನ್ನು ಅನುಭವಿಸಿದ್ದೇವೆ ಎಂದು ಪ್ರಯಾಣಿಕರೊಬ್ಬರು ಹೇಳಿದ್ದಾರೆ.
ಡೆಲ್ಟಾ ಏರ್‌ಲೈನ್ಸ್ ಘಟನೆಯ ಬಗ್ಗೆ ನೀಡಿದ್ದ ಪ್ರತಿಕ್ರಿಯೆ ಹೀಗಿದೆ: “ಮಿಲನ್‌ನಿಂದ ನ್ಯೂಯಾರ್ಕ್-ಜೆಎಫ್‌ಕೆಗೆ ಡೆಲ್ಟಾ ಫ್ಲೈಟ್ 185 ಹೊರಡುವ ಸ್ವಲ್ಪ ಸಮಯದ ನಂತರ ಸ್ಪಷ್ಟವಾದ ಹವಾಮಾನ ಸಂಬಂಧಿತ ನಿರ್ವಹಣೆ ಸಮಸ್ಯೆಯನ್ನು ಅನುಭವಿಸಿದ ನಂತರ ರೋಮ್‌ಗೆ ತಿರುಗಿಸಿತು. ವಿಮಾನವು ರೋಮ್‌ನಲ್ಲಿ ಸುರಕ್ಷಿತವಾಗಿ ಇಳಿಯಿತು, ಅಲ್ಲಿ ಪ್ರಯಾಣಿಕರು ಸಾಮಾನ್ಯವಾಗಿ ಕೆಳಗಿಳಿದರು. ಡೆಲ್ಟಾ ಏರ್‌ಲೈನ್ಸ್ ಪ್ರಯಾಣಿಕರ ಪ್ರಯಾಣದಲ್ಲಿ ವಿಳಂಬಕ್ಕಾಗಿ ಕ್ಷಮೆ ಯಾಚಿಸುತ್ತದೆ. ನಮ್ಮ ಗ್ರಾಹಕರು ಮತ್ತು ಅವರ ಸಿಬ್ಬಂದಿಯ ಸುರಕ್ಷತೆಗೆ ಡೆಲ್ಟಾದ ಪ್ರಮುಖ ಆದ್ಯತೆಯಾಗಿದೆ.”
