ಬ್ಯಾಂಕುಗಳು ವಿವಿಧ ರೀತಿಯ ಖಾತೆಗಳನ್ನು ನೀಡುತ್ತವೆ. ಉಳಿತಾಯ ಮತ್ತು ಚಾಲ್ತಿ ಖಾತೆಗಳ ಬಗ್ಗೆ ತಿಳಿದಿದೆ. ನೀವು ಸಂಬಳ ಖಾತೆಗಳ ಬಗ್ಗೆಯೂ ಕೇಳಿರಬೇಕು. ಈ ಸಂಬಳ ಖಾತೆಯು ಹಲವು ಪ್ರಯೋಜನಗಳನ್ನು ಹೊಂದಿದೆ.
ಸೇವಿಂಗ್ ಅಕೌಂಟ್ ಬಗ್ಗೆ ಎಲ್ಲರಿಗೂ ಗೊತ್ತು. ಯಾರು ಬೇಕಿದ್ದರೂ ಅದನ್ನು ಓಪನ್ ಮಾಡಬಹುದು. ಉಳಿತಾಯ ಖಾತೆಯಲ್ಲಿ ನಾವು ಉಳಿಸುವ ಹಣದ ವಾರ್ಷಿಕ ಬಡ್ಡಿ ತುಂಬಾ ಕಡಿಮೆ. ಹೆಚ್ಚಿನ ಜನ ಉಳಿತಾಯ ಖಾತೆಯನ್ನೇ ಹೊಂದಿರುತ್ತಾರೆ. ಅನೇಕರು ಕರೆಂಟ್ ಖಾತೆಯನ್ನ ಹೊಂದಿರುತ್ತಾರೆ. ಇನ್ನು ಉಳಿತಾಯ ಖಾತೆಯಲ್ಲಿ ಠೇವಣಿ ಮತ್ತು ಹಿಂಪಡೆಯುವಿಕೆಗೆ ಮಿತಿಗಳಿವೆ.
ಕರೆಂಟ್ ಖಾತೆಯಲ್ಲಿ ಯಾವುದೇ ಮಿತಿಗಳಿಲ್ಲ. ಉದ್ಯಮಿಗಳು. ಕಂಪನಿಗಳು ಕರೆಂಟ್ ಖಾತೆಗಳನ್ನು ತೆಗೆದುಕೊಳ್ಳುತ್ತಿವೆ. ಇನ್ನು ಕಂಪನಿಗಳು ಹೊಸ ಕೆಲಸಕ್ಕೆ ಸೇರಿದಾಗ, ಬ್ಯಾಂಕುಗಳು ತಮ್ಮ ಉದ್ಯೋಗಿಗಳಿಗೆ ಸ್ಯಾಲರಿ ಅಕೌಂಟ್ ನೀಡುತ್ತವೆ. ನೌಕರರ ಸಂಬಳವನ್ನು ಈ ಖಾತೆಯಲ್ಲಿ ಜಮಾ ಮಾಡಲಾಗುತ್ತದೆ. ಈ ಖಾತೆ ಹೊಂದಿರೋರಿಗೆ ಹಲವು ಪ್ರಯೋಜನಗಳಿವೆ.
ಉಚಿತ ಸೇವೆಗಳು
ಉಳಿತಾಯ ಖಾತೆ ಹೊಂದಿರುವವರು ಖಾತೆಯಲ್ಲಿ ಕನಿಷ್ಠ ಮೊತ್ತ ಕಾಯ್ದುಕೊಳ್ಳಬೇಕು. ಇಲ್ಲದಿದ್ದರೆ ಬ್ಯಾಂಕುಗಳು ಶುಲ್ಕ ವಿಧಿಸುತ್ತವೆ. ಸ್ಯಾಲರಿ ಅಕೌಂಟ್ ಹೊಂದಿರೋರು ಶೂನ್ಯ ಬ್ಯಾಲೆನ್ಸ್ ಕಾಯ್ದುಕೊಂಡರೂ ದಂಡ ಬೀಳಲ್ಲ. ಓವರ್ಡ್ರಾಫ್ಟ್ ಸೌಲಭ್ಯ ಸಿಗುತ್ತದೆ. ತುರ್ತಾಗಿ ಹಣದ ಅಗತ್ಯವಿದ್ದಾಗ ಓವರ್ಡ್ರಾಫ್ಟ್ ಮೂಲಕ ಹಣ ತೆಗೆದುಕೊಳ್ಳಬಹುದು.
ಸಾಲಗಳ ಮೇಲಿನ ಕಡಿಮೆ ಬಡ್ಡಿ
ಸ್ಯಾಲರಿ ಅಕೌಂಟ್ ಮೇಲೆ ಕಡಿಮೆ ಬಡ್ಡಿದರದಲ್ಲಿ ಸಾಲ ಸಿಗುತ್ತದೆ. ಕಡಿಮೆ ಬಡ್ಡಿದರದಲ್ಲಿ ಗೃಹ ಸಾಲ ಮತ್ತು ವೈಯಕ್ತಿಕ ಸಾಲಗಳನ್ನ ಬ್ಯಾಂಕ್ ನೀಡುತ್ತದೆ. ಯಾವುದೇ ವಾರ್ಷಿಕ ಶುಲ್ಕವಿಲ್ಲದೆ ಸ್ಯಾಲರಿ ಅಕೌಂಟ್ ಹೊಂದಿರೋರಿಗೆ ಉಚಿತ ಕ್ರೆಡಿಟ್ ಕಾರ್ಡ್ಗಳನ್ನು ನೀಡುತ್ತಿವೆ. ಅವರು ಹೆಚ್ಚಿನ ರಿವಾರ್ಡ್ ಪಾಯಿಂಟ್ಗಳು, ಕ್ಯಾಶ್ಬ್ಯಾಕ್ಗಳು ಮತ್ತು ಆನ್ಲೈನ್ ವಹಿವಾಟುಗಳು ಮತ್ತು ಊಟದ ಮೇಲೆ ರಿಯಾಯಿತಿ ಸಿಗುತ್ತದೆ.
ಉಚಿತ ವಹಿವಾಟುಗಳು
ಸಂಬಳ ಖಾತೆ ಹೊಂದಿರುವವರು ಡಿಜಿಟಲ್ ವಹಿವಾಟುಗಳನ್ನು ಉಚಿತವಾಗಿ ನಡೆಸಬಹುದು. NEFT, RTGS ಮತ್ತು IMPS ವಹಿವಾಟುಗಳಿಗೆ ಯಾವುದೇ ಶುಲ್ಕವಿಲ್ಲ. ATM ವಹಿವಾಟುಗಳಿಗೂ ಯಾವುದೇ ಶುಲ್ಕವಿಲ್ಲ. ಈ ಖಾತೆಯನ್ನು ಹೊಂದಿರುವವರಿಗೆ ಬ್ಯಾಂಕುಗಳು ಆಕಸ್ಮಿಕ ಸಾವು ಮತ್ತು ಆರೋಗ್ಯ ವಿಮೆಯಂತಹ ಸೌಲಭ್ಯಗಳನ್ನು ಒದಗಿಸುತ್ತಿವೆ.
ನೀವು ನಿಮ್ಮ ಉಳಿತಾಯ ಖಾತೆಯನ್ನು ಸಂಬಳ ಖಾತೆಯಾಗಿ ಪರಿವರ್ತಿಸಬಹುದು. ಹೊಸ ಕೆಲಸಕ್ಕೆ ಸೇರಿದಾಗ ನಿಮ್ಮ ಸಂಬಳವನ್ನು ಉಳಿತಾಯ ಖಾತೆಯಲ್ಲಿ ಜಮಾ ಮಾಡಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳಬೇಕು. ಕೆಲವು ದಿನಗಳ ನಂತರ ನೀವು ಆನ್ಲೈನ್ ವೆಬ್ಸೈಟ್ ಅಥವಾ ಅಪ್ಲಿಕೇಶನ್ಗೆ ಹೋಗಿ ಸಂಬಳ ಖಾತೆಯಾಗಿ ಪರಿವರ್ತಿಸಬಹುದು.
