ಹಾಸನ: ಪ್ರಸಿದ್ಧ ಅಧಿದೇವತೆ ಶ್ರೀ ಹಾಸನಾಂಬೆ ದೇವಿಯ ಹುಂಡಿ ಎಣಿಕೆ ಕಾರ್ಯದ ವೇಳೆ ವಿವಿಧ ದೇಶಗಳ ವಿದೇಶಿ ಕರೆನ್ಸಿಗಳು ಪತ್ತೆಯಾಗಿರುವುದು ವಿಶೇಷ ಗಮನ ಸೆಳೆದಿದೆ. ದೇವಿಯ ದರ್ಶನಕ್ಕಾಗಿ ದೇಶದ ವಿವಿಧ ಭಾಗಗಳಿಂದ ಮಾತ್ರವಲ್ಲದೆ ವಿದೇಶಗಳಿಂದಲೂ ಅಪಾರ ಸಂಖ್ಯೆಯಲ್ಲಿ ಭಕ್ತರು ಆಗಮಿಸಿದ್ದರು. ಭಕ್ತರು ತಮ್ಮ ಇಷ್ಟಾರ್ಥ ಸಿದ್ಧಿಗಾಗಿ ದೇವಿಗೆ ಸಲ್ಲಿಸಿದ ಕಾಣಿಕೆಗಳಲ್ಲಿ ವಿದೇಶಿ ನೋಟುಗಳು ಹಾಗೂ ಕರೆನ್ಸಿಗಳು ದೊರೆತಿವೆ. ಹಾಸನಾಂಬೆ ದೇವಿಯ ಮಹಿಮೆ ರಾಜ್ಯದ ಗಡಿಗಳನ್ನು ದಾಟಿ ವಿದೇಶಗಳಿಗೂ ವ್ಯಾಪಿಸಿರುವುದಕ್ಕೆ ಈ ವಿದೇಶಿ ಕರೆನ್ಸಿಗಳ ಪತ್ತೆ ಸಾಕ್ಷಿಯಾಗಿದೆ. ದೇವಿಯ ಮೇಲಿನ ಭಕ್ತರು ಮತ್ತು ನಂಬಿಕೆ ದೇಶ-ವಿದೇಶಗಳಲ್ಲಿಯೂ ಹರಡಿರುವುದು ಈ ಮೂಲಕ ಮತ್ತೊಮ್ಮೆ ಸಾಬೀತಾಗಿದೆ.
