ಕಾಸರಗೋಡು: ಸ್ಥಳೀಯಾಡಳಿತ ಸಂಸ್ಥೆಗಳಿಗೆ ನಡೆಯುವ ಚುನಾವಣೆಯ ಹಿನ್ನೆಲೆಯಲ್ಲಿ ಅಮಲು ಪದಾರ್ಥ ಪತ್ತೆಗಾಗಿ ಪೊಲೀಸರು ಸಕ್ರಿಯವಾಗಿದ್ದು, ಇದರಂತೆ ಮೂರು ಕಡೆಗಳಲ್ಲಿ ನಡೆಸಿದ ಕಾರ್ಯಾಚರಣೆಯಲ್ಲಿ ಎಂಡಿಎಂಎ ಮತ್ತು ಹೈಬ್ರಿಡ್ ಗಾಂಜಾ ವಶಪಡಿಸಿಕೊಂಡು ನಾಲ್ವರನ್ನು ಬಂಧಿಸಿದ್ದಾರೆ.
ವಿದ್ಯಾನಗರ ಪೊಲೀಸರು ಮತ್ತು ಎಸ್.ಪಿ. ಯ ಅಮಲು ಪದಾರ್ಥ ವಿರುದ್ಧ ಸ್ಮಾಡ್ ಉಳಿಯತ್ತಡ್ಕ ಸಮೀಪದ ಇಜ್ಜತ್ನಗರದಲ್ಲಿ ನಡೆಸಿದ ಕಾರ್ಯಾಚರಣೆಯಲ್ಲಿ 6 ಗ್ರಾಂ ಎಂಡಿಎಂಎ ಮತ್ತು 6 ಗ್ರಾಂ ಹೈಬ್ರಿಡ್ ಗಾಂಜಾ ಪತ್ತೆ ಹಚ್ಚಿ ಉಳಿಯತ್ತಡ್ಕ ಗಣೇಶ ನಗರದ ಮುಹಮ್ಮದ್ ಹನೀಫಾ(34)ನನ್ನು ಬಂಧಿಸಿದ್ದಾರೆ.
ಹೊಸದುರ್ಗ ಪೊಲೀಸರು ಹೊಸದುರ್ಗ ಮುರಿಯನಾವಿಲ್ನ ಶಾಜಹಾನ್ ಅಬೂಬಕ್ಕರ್ (41) ಮನೆಗೆ ದಾಳಿ ನಡೆಸಿ ತಪಾಸಣೆ ಮಾಡಿದಾಗ ಸ್ನಾನದ ಕೊಠಡಿಯಲ್ಲಿ ಬಚ್ಚಿಡಲಾಗಿದ್ದ 3 ಗ್ರಾಂ ಎಂಡಿಎಂಎ ಪತ್ತೆಹಚ್ಚಿ ವಶಪಡಿಸಲಾಯಿತು. ಈತನನ್ನು ಬಂಧಿಸಿ ಕೇಸು ದಾಖಲಿಸಲಾಗಿದೆ. ಬೇಕಲ ಪೊಲೀಸರು ಪೆರಿಯ ಕೇಂದ್ರೀಯ ವಿಶ್ವವಿದ್ಯಾಲಯ ಪರಿಸರದಲ್ಲಿ ವಾಹನ ತಪಾಸಣೆ ಸಂದರ್ಭದಲ್ಲಿ 1.95 ಗ್ರಾಂ ಎಂಡಿಎಂಎ ಸಹಿತ ಪಯ್ಯನ್ನೂರು ರಾಮಂತಳಿ ಕುನ್ನಾರ ನಿವಾಸಿಗಳಾದ ಎಂ.ಪ್ರಜಿತ್(53) ಮತ್ತು ಸಜಿತ್(36)ನನ್ನು ಬಂಧಿಸಿದರು.
