ಸಕಲೇಶಪುರ : ತಾಲ್ಲೂಕಿನ ಬಾಚಿಹಳ್ಳಿ ಗ್ರಾಮದ ದಿವಂಗತ ಪ್ರತಾಪಗೌಡ ಅವರ ತಂದೆ ನಿಂಗರಾಜು ಅವರು ಇಂದು ನಿಧನರಾಗಿದ್ದಾರೆ. ಇತ್ತೀಚೆಗಷ್ಟೇ ತಮ್ಮ ಪ್ರೀತಿಯ ಮಗ ಪ್ರತಾಪಗೌಡ ಅವರನ್ನು ಕಳೆದುಕೊಂಡು ದುಃಖದ ಮಡುವಿನಲ್ಲಿ ಮುಳುಗಿದ್ದ ಕುಟುಂಬಕ್ಕೆ, ಇದೀಗ ತಂದೆಯವರ ಅಗಲಿಕೆ ಮತ್ತೊಂದು ಆಘಾತವನ್ನುಂಟುಮಾಡಿದೆ.
ಒಂದೇ ಕುಟುಂಬದಲ್ಲಿ ಅಲ್ಪಾವಧಿಯಲ್ಲೇ ಸಂಭವಿಸಿದ ಈ ಎರಡು ಸಾವುಗಳು ಕುಟುಂಬಸ್ಥರು, ಬಂಧುಗಳು ಹಾಗೂ ಆಪ್ತರಲ್ಲಿ ತೀವ್ರ ನೋವು ಮತ್ತು ದುಃಖವನ್ನುಂಟುಮಾಡಿವೆ. ಈಗಾಗಲೇ ಮಗನ ಅಗಲಿಕೆಯ ನೋವಿನಿಂದ ಚೇತರಿಸಿಕೊಳ್ಳಲು ಸಾಧ್ಯವಾಗದ ಕುಟುಂಬಕ್ಕೆ ತಂದೆಯವರ ನಿಧನವು ತುಂಬಲಾರದ ನಷ್ಟವಾಗಿ ಪರಿಣಮಿಸಿದೆ. ಈ ದುಃಖದ ಸಂದರ್ಭದಲ್ಲಿ ಕುಟುಂಬದವರ ನೋವಿನಲ್ಲಿ ಭಾಗಿಯಾಗಿರುವ ಬಂಧುಮಿತ್ರರು ಹಾಗೂ ಗ್ರಾಮಸ್ಥರು ಮೃತರ ಆತ್ಮಕ್ಕೆ ಶಾಂತಿ ಕೋರಿ ಸಂತಾಪ ಸೂಚಿಸಿದ್ದಾರೆ.
