ಉಪ್ಪಳ: ಪ್ರೆಂಡ್ಸ್ ಕ್ಲಬ್ ಜೋಡುಕಲ್ಲು ಇದರ 34ನೇ ವಾರ್ಷಿಕೋತ್ಸವ ಫೆ.3ರಂದು ರಾತ್ರಿ ಜೋಡುಕಲ್ಲು ಜಂಕ್ಷನ್ನಲ್ಲಿ ವಿವಿಧ ಕಾರ್ಯಕ್ರಮಗಳೊಂದಿಗೆ ನಡೆಯಲಿದೆ.
![ಕ್ಲಬ್ ಜೋಡುಕಲ್ಲು 34ನೇ ವಾರ್ಷಿಕೋತ್ಸವ](https://i0.wp.com/veekshakavani.com/wp-content/uploads/2024/01/ವಾರ್ಷಿಕೋತ್ಸವ.jpg?resize=640%2C400&ssl=1)
ರಾತ್ರಿ 7ರಿಂದ ನೃತ್ಯ ವೈಭವ, 8ಕ್ಕೆ ನಡೆಯುವ ಸಭಾ ಕಾರ್ಯಕ್ರಮದಲ್ಲಿ ಫ್ರೆಂಡ್ಸ್ ಕ್ಲಬ್ ಗೌರವಾಧ್ಯಕ್ಷ ದಯಾನಂದ ಮಾಡ ಅಧ್ಯಕ್ಷತೆ ವಹಿಸುವರು. ಸಂತೋಷ್ ಕುಮಾರ್ ರೈ ಬೋಳಿಯಾರ್, ವಿಜಯ ಪಂಡಿತ್, ರಮೇಶ್ ಆಳ್ವ ಪಿಲಿಯಂದೂರು ಮೊದಲಾದ ಗಣ್ಯರು ಭಾಗವಹಿಸುವರು.
ಈ ಸಂದರ್ಭದಲ್ಲಿ ಮುಖ್ಯೋಪಧ್ಯಾಯರು ಹಾಗೂ ಸಾಮಾಜಿಕ ಕಾರ್ಯಕರ್ತ ವೆಂಕಪ್ಪ ಶೆಟ್ಟಿ ಕಯ್ಯಾರು ಇವರನ್ನು ಸನ್ಮಾನಿಸಲಾಗುವುದು. ರಾತ್ರಿ 10ರಿಂದ ತುಳುವೆರೆ ಉಡಲ್ ಜೋಡುಕಲ್ಲು ಕಲಾವಿದರಿಂದ ತನಿಯಜ್ಜೆ ತುಳು ವಿನೂತನ ಶೈಲಿಯ ನಾಟಕ ಪ್ರದರ್ಶನಗೊಳ್ಳಲಿದೆ.