ಅಪ್ರಾಪ್ತನಿಂದ ಕಾರು ಚಲಾವಣೆ; ಕಾರು ಮಾಲಕಿ ವಿರುದ್ಧ ಕೇಸು ದಾಖಲು

ಮಂಜೇಶ್ವರ: ಅಪ್ರಾಪ್ತ ಚಲಾಯಿಸುತ್ತಿದ್ದ ಕಾರನ್ನು ಪೊಲೀ ಸರು ವಶಕ್ಕೆ ತೆಗೆದು ಆರ್.ಸಿ ಮಾಲಕಿ ಮಹಿಳೆಯ ವಿರುದ್ದ ಮಂಜೇಶ್ವರ ಪೊಲೀಸರು ಕೇಸು ದಾಖಲಿಸಿದ್ದಾರೆ.

ಆ.29ರಂದು ಮಧ್ಯಾಹ್ನ 12 ಗಂಟೆ ವೇಳೆ ಬೇಕೂರು ಶಾಲಾ ಬಳಿಯಲ್ಲಿ ಅಪ್ರಾಪ್ತ ಕಾರು ಚಲಾಯಿಸುತ್ತಿರುವ ಬಗ್ಗೆ ತಿಳಿದು ತಲುಪಿದ ಪೊಲೀಸರು ಕಾರನ್ನು ಚಲಾಯಿಸುತ್ತಿರುವ ಬಾಲಕನ ಬಳಿ ಲೈಸನ್ಸ್ ಕೇಳಿದಾಗ ಲೈಸನ್ಸ್ ಹೊಂದಿರಲಿಲ್ಲ ಹಾಗೂ 17 ವರ್ಷ ಪ್ರಾಯವಾಗಿರುವುದು ತಿಳಿದು ಬಂದಿದೆ. ಈ ಹಿನ್ನೆಲೆಯಲ್ಲಿ ಕಾರನ್ನು ವಶಪಡಿಸಿ ಕೇಸು ದಾಖಲಿಸಿದ್ದಾರೆ.