ಟ್ರೇಡ್ ಮಾರ್ಕೆಟ್ ನಲ್ಲಿ ಅಧಿಕ ಲಾಭಾಂಶದ ಆಸೆ: 20 ಲಕ್ಷ ದೋಖಾ!

ಉಡುಪಿ: ಟ್ರೇಡ್ ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಿದರೆ ಹೆಚ್ಚಿನ ಲಾಭಾಂಶ ಸಿಗುತ್ತದೆ ಎಂದು ನಂಬಿ ಮಣಿಪಾಲದ ಸರಳೇಬೆಟ್ಟಿನ ಜಯಂತ್ ಕುಮಾರ್ ಮೊಹಂತಿ (38) ಅವರು 20,37,200 ರೂ. ಕಳೆದುಕೊಂಡಿರುವ ಬಗ್ಗೆ ಮಣಿಪಾಲ ಠಾಣೆಯಲ್ಲಿ ದೂರು ದಾಖಲಾಗಿದೆ.

City Group Of Company ಎಂಬ ಹೆಸರಿನ ಕಂಪೆನಿಯು ಹೆಚ್ಚಿನ ಲಾಭ ನೀಡುವುದಾಗಿ ವಾಟ್ಸ್‌ಆ್ಯಪ್ ಸಂಖ್ಯೆಗೆ ಲಿಂಕ್ ಕಳಿಸಿ ಟ್ರೇಡ್ ಮಾರ್ಕೆಟ್‌ನಲ್ಲಿ ನೋಂದಣಿ ಮಾಡಿಸಿಕೊಂಡು ಹಂತ ಹಂತವಾಗಿ 20,37,200 ರೂ.ಗಳನ್ನು ಹೂಡಿಕೆ ಮಾಡಿಸಿಕೊಂಡಿದ್ದಾರೆ. ಪ್ರಸ್ತುತ ಸರ್ವಿಸ್ ಚಾರ್ಜ್ ಅಕೌಂಟ್ ಕ್ಲಿಯರೆನ್ಸ್ ನೀಡದೇ ಹಣವನ್ನು ಮರುಪಾವತಿ ಮಾಡುವುದಿಲ್ಲ ಎಂದು ಹೇಳಿ ಸಂಜಯ್ ಅವರು ಹೂಡಿಕೆ ಮಾಡಿದ ಹಣವನ್ನು ಮೋಸದಿಂದ ತಮ್ಮ ಖಾತೆಗೆ ವರ್ಗಾ ಯಿಸಿಕೊಂಡಿರುವ ಬಗ್ಗೆ ದೂರು ದಾಖಲಾಗಿದೆ.